林子善婚前食女Send情慾短訊 老婆勸爆料人「早啲放低啦」

林子善與拍拖5年的董佩欣（Kary）去年10月簽紙註冊結婚，月前開心補擺喜酒，更講明要當個好老公，置業後才「造人」，希望家人生活有保障。

其實子善曾與Kary分手再復合，皆因當年他的事業未如理想，被Kary家人催婚後壓力大，不想拖累女友的子善決定斬纜。有報道爆料指子善當年與Kary分手後曾追求圈中女藝人L小姐，其情慾短訊及錄音亦曝光，更有帶L小姐見鄭嘉穎、馬國明等《鐵馬尋橋》好友。不過蜜運幾個月，子善即撇新女，火速與Kary復合。

子善接受傳媒訪問時直認此事，因女方是圈中人故不想公開舊情人名字，當時分手全因他太掛念Kary。子善自認經常亂說話，所謂的情慾短訊是抹黑，有心人想影響他的夫妻關係。他更直言老婆早前也收到L小姐發的短訊，包括舊時的「情慾短訊」，說是二人結婚前的「禮物」，子善不怕舊情史被揭，因為他對老婆一心一意，老婆也會原諒他。

對此，子善再於社交平台留言：「多謝大家關心！唔洗（使）擔心我同太太，睇完新聞後我同佢都笑左（咗）出嚟。都係我衰成日講笑，對白變左（咗）(((情慾短訊)))放心冇影響我兩個嘅心情，但亂噏係我個性真係好難改，依件事係兩年半前發生，不會再作回應咁多！識我嘅朋友(((你懂的)))」。Kary亦甫出兩公婆合照，留言力撐老公：「有我喺到Support you唔使擔心，雖然你成日亂噏，但好在一向互相坦白。多謝各位關心同緊張我哋吖，唔會因爲咁少嘅事影響到我哋，畢竟已經兩年前嘅事，亦希望（女仔emoji）都早啲放低啦」。