【咀嘴1分鐘】林子善承諾愛護老婆 望下年生B做好爸爸

林子善跟老婆董佩欣今日補擺喜酒，二人見傳媒時應要求咀足1分鐘，更180度轉身供傳媒拍照。林子善透露原先打算筵開50圍，因朋友畀面，最終開足63圍，他說：「今次擺酒用7位數（以百萬計），之前已經同老婆有共識儲錢，勁慳。除咗TVB嘅工作外，自己去其他地方跑山跑返嚟，唔計賺定蝕，擺酒最緊要飲得開心。」談到今早接新娘情況，林子善笑說：「星級兄弟團嘛！班姊妹見到鄭嘉穎、馬國明同袁偉豪佢哋，都已經電暈晒姊妹，開晒門畀佢哋入。」

至於「愛的宣言」？林子善稱做出來比講更好，亦不喜歡空口講白話，他承諾每日進步及愛護老婆，要自己有健康身體才可以保護到老婆，陪對方行埋下半世路。至於爆喊位，他笑說：「未講『愛的宣言』已經爆喊，跪抵斟茶畀外父外母已經爆喊。」新娘子董佩欣就畀老公100分，子善即插嘴道：「80分好喇！我要進步空間。」

談到造人計劃，子善笑說：「未做得，希望小朋友生活有保障，所以想買樓先。同埋做好身體檢查先敢生，希望下年成事。」問及婚戒，他謂：「係1點6卡，雖然自己買唔到最大粒，但都要買最好品質畀太太。」