林子善接新娘 唐詩詠孖兄弟團Chok爆

林子善去年10月與拍拖5年的圈外女友董佩欣（Kary）簽紙註冊結婚，今晚擺酒大宴親朋，早上則跟足傳統去接新娘。
9人兄弟團傍實林子善出發，未被姊妹團玩謝前先影張Chok爆大合照，老友唐詩詠反串做兄弟，鄭嘉穎、馬國明、黃嘉樂、黃長興、袁偉豪等都相當型仔，唐詩詠在社交平台開心分享照片，並留言：「出發 #做兄弟係爽嘅 #唔洗早起身 #淨係Chok就得嘞」。她又上載姊妹團的整人「武器」，見到有餅乾加上Wasabi及疑似鹹竹蜂的物體，睇到都戥兄弟團慘慘豬。