【腐液狂徒】目擊者：女職員掩面慘叫食客速逃 疑犯話「由得佢死」

尖沙嘴帝國中心「好彩海鮮酒家」中午近12時發生淋潑腐蝕液體案，導致7人受傷，包括涉嫌淋潑腐蝕液體的男子。酒樓的椅背、地氈留有痕跡，警方以酒樓的屏風圍住。現場留有一個咖啡膠樽，懷疑疑犯使用膠樽盛載腐蝕液體。

警方鑑證科人員下午檢走現場證物調查，包括枱布、地毯、椅背套、膠樽等。

食客陳先生指，聽到啊一聲望過去，見到女職員掩住塊面，「有夥計扶佢入去搵水沖」，起初不知道「以為滾水淋到，先知個啲係啲通渠水」，「淋到隔離左右啲茶客啊、啲夥計囉」指疑犯淋潑後「好定，企係度」；事後有茶客稱女職員傷勢嚴重，疑犯就回答「由得佢死」。

食客劉先生指，「見到個女人係度嗌，按住自己條頸係度嗌」，「隔離個男人畀另外一個男人捉住咗」，女子身上好像被淋潑有一層白色的東西

目擊食客表示，當時酒樓坐滿人，男子淋腐蝕液體後，現場立即傳來尖叫聲，食客慌忙走避，情況混亂，有被淋到的食客，馬上衝入廁所清洗。食客指，酒樓部長捉著涉嫌淋潑液體男子的手臂，部長的手亦被液體潑中，一名女侍應被潑傷，由其他職員帶她到廁所清洗。

目擊者稱，一名載住鴨舌帽及太陽眼鏡的懷疑涉案男子留在原位，揚言「抵死」，並向警方聲稱，液體為通渠水。

案中7人受傷，包括涉案男子、被疑犯淋潑的女職員，附近1男1女食客，和上前制止的2男1女酒樓職員。消息指，疑兇懷疑任職酒樓知客的妻子與酒樓男同事有染，在妒火中燒下犯案。

建立時間：1434
更新時間：1638