估唔估到？基仔大玩「超級無敵畫歌仔」

《超級無敵掌門人》中有一個「超級無敵估歌仔」的遊戲環節，相信大家一定知點玩。古巨基(基仔)將在5月10日舉行紅館演唱會，演唱會前，基仔就在社交網上載了一段短片，與網友大玩「估歌仔」。短片中，基仔話：「我會畫一幅畫，去猜一首我嘅歌名，睇下大家醒唔醒啦！」大家可以試下看圖估歌名。

第一幅圖，有位貌似愛因斯坦的老人，以及一個流口水兼伸脷的男仔。

第二幅圖，一座看似學校的建築物下面有四隻腳，並在水上行走。

第三幅圖，一個時鐘，上面的數字左右調轉了。

第四幅圖，一個在重要部位打咗格仔的大隻裸男，身邊站著一個戴鴨舌帽拿著旗仔的人。

每幅圖都代表古巨基一首歌，提示亦好明顯，如果閣下是他的粉絲，相信一睇就估到！