小齊為角色暴肥 鄭秀文：好衷心佩服

一向作風親民的歌手鄭秀文(Sammi)，經常會透過社交網更新自己的近況，讓粉絲知道她的最新消息。原來Sammi近日與許鞍華、任賢齊、鍾鎮濤等圈中好友食飯，並將飯局的相片上載到社交網。Sammi留言大爆小齊(任賢齊)近日為了拍戲而瘋狂增磅：「呢張相重點係小齊，小齊好犀利，不見一個月，再肥咗好多，佢為咗下一部戲嘅角色，努力狂增肥兼且同時鍛練肌肉，呢份付出真係好衷心佩服。呢張相已經影瘦咗小齊，遮住咗佢『實的的』嘅肚腩和『粗碌碌』嘅大腿。我摸佢肚腩，真係堅漲(脹)。」Sammi話小齊一向面尖削削嘅面型已變成圓圓哋，更指小齊當晚亦好努力咁食嘢，非常搞笑！