袁詠儀呻做嚴母好慘：屋企只有父親節沒母親節

袁詠儀（靚靚）、任賢齊、梁漢文和鄧麗欣為《點滴揹水Walk & Run》主持開幕典禮，靚靚看到現場一位小男孩，即抱起又玩又跳舞。靚靚謂很遺憾未能夾到時間帶兒子張慕童（魔童）做探訪，並謂：「原本有叫阿仔一起來，但阿仔唔睬我，話『媽咪，放假畀我休息吓啦』；不過亦喜見這個機構幫助了很多缺水的地方，當然世界仍然很縣殊，希望能拓展到更多有需要的地方，亦讓更多人懂得珍惜食水。正如阿仔仲細，沒有有關經歷，但亦會教他不要開著水喉刷牙和洗臉，限時間沖涼，以免他貪玩而浪費食水，所以阿仔都學識慳水。」
提到母親節在即，靚靚卻稱：「我無乜留意，阿仔亦唔多有意識…其實嚴母真係好慘，屋企都好縣殊，只有父親節、沒有母親節，阿仔一起身只會叫Daddy，心情好好才會主動搵吓我，希望佢將來明白我的苦心。（可叫老公張智霖送禮物作補償？）老公一定會話『你又唔係我阿媽』，其實我都無所謂，反而會向媽媽、奶奶、契媽等送花，亦有教阿仔說『Auntie們錫你唔係必然的事，所以要感恩』，並叫佢飲茶時向Auntie們逐一送花。」（攝影：鄧國良）