為事業拼搏 41歲謝安琪封廠唔再追B

謝安琪（Kay）在活動中與小朋友玩遊戲，她稱在家也任由一對仔女玩耍時發揮創意，不會局限他們。提到細女張靖後天（23日）一歲生辰，Kay感言話咁快就一年，這年比想像中過得輕鬆，可能有了湊小朋友經驗，加上女兒易湊，所以全職湊B也沒有捱殘，又稱一對仔女很黐身。

說到老公張繼聰認叻自誇得女兒歡心，Kay搞笑踢爆老公，「同個活動一樣係藝術，不過佢係語言偽術，而佢最高的境界是自己呃埋自己，其實佢咁少喺屋企，在家的地位都無謂講，不過大家都欣賞佢咁勤力工作。雖然兩個小朋友係好黐我，但佢平日要吹噓到無咗佢唔得都由得佢，點都要彌補吓心靈空虛。」

Kay又直言兩個夠晒數，無意再追B，稱大仔張瞻就不明白湊B艱辛，還希望她極速生很多小朋友，不過Kay就宣佈生BB工廠要封廠榮休、光榮結業，自言現年41歲是下半人生的開始，託賴做媽媽的工作能得心應手，未來日子希望在事業上努力。