囡囡探班 梁詠琪與Sofia玩扮火車

梁詠琪(Gigi)將在下個月在紅館開演唱會，近日她忙於為演唱會綵排及準備，務求將自己最好的一面表現出來。雖然時間緊逼，但Gigi都好懂得忙裡偷閒，讓自己輕鬆一下！近日Gigi在社交網上載了一段短片，她老公Sergio與女兒Sofia到了排舞室探班。見囡囡來到，Gigi就與幾位舞蹈員同Sofia一齊玩扮火車氹囡囡開心。幾個大人都變咗大細路咁，玩得非常投入，而Sergio就全程在旁拍片。Gigi留言話：「小朋友來排舞室探班，最開心當然係同dancer姐姐哥哥一齊扮火車啦！」網友大讚Sofia好可愛，仲話好期待Gigi帶Sofia上台添！