只顧打機唔沖涼 單親媽谷氣衣架打兩幼子認罪

34歲單親媽媽因兩名分別8歲和10歲的兒子「只顧打機唔沖涼」，一氣之下以鐵衣架打兩兄弟手腳至滿佈瘀痕，兒子向學校社工求助後，事件轉介到社署及警方跟進。女被告被控兩項襲擊致造成身體傷害罪，今於西九龍裁判法院承認控罪，案件押後至5月24日判刑，期間以待索取感化及社會服務令報告，被告獲准保釋候刑。

王證瑜裁判官看到兩名兒子的傷勢照片後，即怒斥「用衫架點樣可以打到隻腳瘀晒？紫色嘅？」，並指「我唔接受只係用衣架打，一定有用其他嘢打」，女被告則辯稱只用了衣架打仔，惟所用的衣架是鐵衣架。

王官續斥「你點樣可以忍心咁對待自己嘅仔女？係咪親生㗎？」，被告承認二名受害人是其親生兒子。當王官斥「你當佢哋係發洩工具？定係你有暴力傾向？」時，被告則一一否認，只表示自己一時「谷氣」而犯案。

被告梁嘉惠被控於2018年1月31日在葵涌區寓所襲擊兩名兒子。辯方求情時指，兩名兒子現已康復出院，與被告同住及由被告照顧，三人靠領綜援維生，個案亦已由社署跟進。 王官最後亦建議指「作為兩個仔嘅媽媽有責任照顧佢地，如果有情緒問題就睇醫生，如果唔識湊仔就搵社工」。

法庭記者：劉曉曦