【金像奬】獲頒終身成就獎 楚原拖孫女出場：受之有愧

84歲的大導演楚原獲頒金像獎「終身成就獎」，大徒弟馮淬帆負責頒獎給師傅，楚原與老婆南紅和6歲孫女出場，全場觀眾站立拍掌致敬。撐拐杖的楚原中氣十足夠晒精靈，幽默地說：「將一個終身成就獎，頒畀一個終身沒有成就嘅人，即係監生迫我講句受之有愧。」他又介紹孫女是大小姐，平時早睡，今晚畀足面陪爺爺。

楚原拋金句道：「漫長人生中，有開心時候，困難時候都唔少，當年我破咗香港賣座紀錄，人工加10倍，成為最幸運導演。10年後，我拍了幾部X街片，之後拍《天龍八部》，拍當日被撕爛通告，話唔畀拍，邊個畀你拍《天龍八部》？楚原你根本唔識電影藝術，嗰時我俾人話係邵氏公司最難坎嘅導演。」他續說：「任何人無論你昨日幾風光，無論你幾失意，明天天光你都要起身做人，明天總比昨天好，這就是人生。管他天下千萬事，閒來輕笑兩三聲，管它喜怒哀樂、恩怨情仇，所有都變作菩提明鏡，笑吓就算。」