【金像奬】毛舜筠憑《黃金花》大熱稱后

毛舜筠憑《黃金花》奪「最佳女主角」，擊敗《29+1》的周秀娜、《明月幾時有》的周迅、《空手道》的鄧麗欣及《相愛相親》的張艾嘉。
賽前大熱毛舜筠首奪「最佳女主角」，激動的她眼泛淚光，在台上感言：「感謝神，好似發緊夢，好多謝投我一票嘅所有人，多謝我嘅姊妹組有Lisa姐（汪明荃）、嘟姐（鄭裕玲）、商天娥、陳法蓉、施麗珍、曾華倩......成日鼓勵我撐我。」她又哽咽多謝爸媽、導演老公區丁平及囡囡：「我知道爸爸喺天堂見到我一定好開心，其實望住阿女張相，已經係最大嘅獎，我已經得到喇，女，你哋坐喺邊？我太幸福喇！呢個一定要講，唔講我死梗，區丁平。佢為《黃金花》做咗好多嘢，知佢未滿意，唔緊要我攞咗喇！」