火爆阿叔擅用九巴員工廁所 聲大夾惡鬧車長:你邊有資格講嘢

不少地方廁所都不是對外開放，只供租戶或員工使用。近日網上流傳一段短片，見到一名大叔疑人有三急，擅闖藍田一個巴士站的「九巴員工專用」廁所，被一名車長發現後更不停侮辱「你邊有資格講嘢，你個垃圾」、「狗x專用，唔係九巴專用」，車長秒回「啱喇，狗x專用呀嘛，入去用啦嘛」。

片段上載於Facebook專頁「巴打絲打」，片段所見，一名九巴車長在廁格步出，此前有大叔一直在門外破口大罵，九巴車長步出廁格後即謂「唔想同你講咁多嘢」，大叔隨即狂罵「你邊有資格講嘢，垃圾」，並一直講粗口，斥「九巴你間公司執笠啦」。

車長未有與大叔對罵，只輕輕一句「好呀」冀將大叔打發，隨後車長將鏡頭移向廁所大門，指列明九巴員工專用，其後大叔更關掉廁所的燈，並一直用粗口問候車長，指他要進內小便，車長則叫大叔「你冷靜啲先，員工專用呀」，大叔隨即爆罵「員乜x嘢工呀，x街啦員工」。

其後車長步出廁所返回車站，但大叔一直用粗口追罵，「狗x專用，唔係九巴專用」，車長立刻反駁「啱喇，狗x專用呀嘛，入去用啦嘛」。

網民看完片段後紛紛讚車長忍耐力高，又指廁所不外借屬正常，「俾你用就人情，唔俾你用就係道理」、「阿伯借員工厠所的話，應該好聲好氣啲，員工厠所唔外借好正常，但都應該有個鎖」、「借個厠所啫，咁都要嗌交」。