女童潑水節跌倒受傷 暖警溫柔安撫獲讚正能量

一年一度的泰國潑水節昨是最後一日，有媽媽指囡囡在活動期間不慎跌倒，膝頭流血，隨即抱起她向附近警察查詢何處有救護站，其後一名輔警立刻到長沙灣警署拿藥箱，同時同場的警察安撫受傷妹妹的情緒，分散注意力，替妹妹包紮完後更與她「Give me five」。

該名媽媽在Facebook「大埔」群組發文，指囡囡參加潑水節跌倒，膝頭流血，隨即抱起她尋找救護站，但附近只見到警察在場，「差人叔叔即刻好快咁返長沙灣差館拎左個藥箱同時另一班差人叔叔去左附近搵救護車拎左個藥箱返嚟」。

在等待藥箱嘅時，同場有警察安撫受傷妹妹的情緒，「有一位差人叔叔（膊頭有三柴哥位）好溫柔咁拎起囡囡隻腳，叫佢放上大佢大脾度，同時又同小朋友傾計分散注意力『你叫咩名！幾多歲呀！對鞋仔好靚喎！邊度買架⋯⋯』」，她稱，當藥箱送到替囡囡包紮後，警察與她「Give me five」。

不少網民都大讚輔警溫柔，「堂堂男子漢佢真系好溫柔」、「其實香港人要多啲正能量先會開心啲」。