重遊沙田 古巨基整蠱小師弟：你未拉褲鏈呀！

歌手古巨基最近忙於為演唱會宣傳，早前他就回到TVB，緬懷他從前當《娛樂新聞眼》記者的日子。近日他就帶大家回到成長的地方沙田，繼續與大家分享他的成長點滴。

基仔返到長大的地方沙田穗禾苑，一邊行一邊回憶從前的生活片段。他去到穗禾苑商場，就感慨現在的舖頭已經唔同晒。回到昔日士多的位置，基仔的回憶返晒嚟：「以前呢道有間士多，我經常嚟呢道打躉！嗰個年代成日有汽水蓋去換嘢，我哋喺度執汽水蓋，執完就睇吓有冇贈飲呀，或者換搖搖呀。」之後基仔就帶大家殺入街市，分享小時候跟嫲嫲落街買餸的日子。

到了放學時間，他親切的與自己小學的師弟師妹傾計，一向愛講笑的基仔同其中一位小師弟講：「你未拉褲鏈呀！」搞到小師弟即刻尷尬走人！之後基仔更話：「我細個都未拉褲喎，咁啱嘅。」場面爆笑！

與小朋友傾計後，基仔帶大家回到從前住的那座屋苑，隨後更帶大家去小學附近的球場，回味從前與朋友在球場上那些可愛片段！這次沙田之旅，勾起基仔很多美好回憶，他在社交網留言話：「好懷念小時候無憂無慮的日子啊～～～」