想搵「新五虎」合體演出 古巨基召喚何遠恆

古巨基為TVB《流行經典50年》錄影，他表示在其中一個環節負責唱以往在《勁歌金曲》頒獎禮的特別作品，加上本身5月開個唱，亦會分享自己以前的作品。談到相隔廿多年跟四虎的古天樂、吳家樂、劉凱威聚會，尚欠何遠恆。他說：「因為失去了何遠恆的聯絡，原本諗住過年約古仔吃飯，過幾日同劉凱威私訊時，發現佢喺香港嗰幾日可以一齊吃到飯，之後聯絡埋吳家樂，呢個係忽發奇想。」
他直言當年五虎時，大家不多拍攝合作，主要合作唱賀年歌。問到可會個唱上邀請五虎同台演出，他說：「依家都3月啦！之前無諗咁遠，好單純吃餐飯，睇下大家檔期。（可找李彩嬅獲得何遠恆聯絡方法？）原本有諗下過，但覺得唔好意思，點知第日睇到報紙原來分咗手。」