重溫經典訪問 古巨基突襲《東張西望》

古巨基今天已經貴為樂壇的天王巨星，唔知大家仲記唔記得他初出道做娛樂新聞節目《娛樂新聞眼》主持時個樣？基仔為宣傳紅館演唱會，昨晚突襲《東張西望》錄影廠與陳貝兒一齊做主持，令觀眾非常驚喜！

節目重播了當年基仔做主持時的訪問片段，當年南瓜頭造型的基仔訪問過劉德華、王菲等明星。採訪華仔時，基仔作狀吻賀華仔生日；採訪王菲時更中了「頭獎」(雀屎)，搞到王菲要幫基仔抹頭，場面爆笑！

除了上TVB做主持，基仔更在社交網甫出一張他訪問劉德華的照片，並留言話：「為拍攝個人特輯，事隔二十六年再執娛樂新聞眼主持咪！可以像當年一樣和華仔做訪問，勾起了很多我出道時的回憶。今天我叫「華仔」做「華仔哥」，因為在當年的親切上多加了一份尊敬，謝謝你幾次在我迷茫時給我鼓勵和意見～」看來這次返TVB真係勾起基仔很多難忘回憶！