【單身快樂】吳千語唔識林峯新歡：人哋嘅事唔講

佘詩曼、吳千語、李佳芯（Ali）、余香凝及廖子妤擔任品牌時裝展嘉賓。與林峯5年情告終的吳千語首度公開回應分手一事，談到是次情傷，她說：「都已經一段時間，多謝大家關心。」她透露休息了一段時間，隨後會專注工作。問是否跟林峯有共識地宣佈分手？她說：「大家有共識嘅，我唔講咁多，講多錯多。總之分開咗一段時間，分開幾耐都唔講。（關第三者事？）係兩個人之間嘅事。」

提到有報道指林峯戀上內地模特兒張馨月，問吳千語是否認識女方？她謂：「唔識，有睇過報道，人哋嘅事唔講。」另有報道指她戀上富二代，她回應：「成日都咁講，我同男性朋友約會會避忌啲。我依家單身，幾好。」是否可迎接新感情？她直言先保持單身並投入工作，現時亦沒有追求者。另外，提到宣佈分手當日，她現身周杰倫紅館演唱會，有指她點唱《彩虹》憑歌寄意，她稱：「首歌唔係我揀，係我後面個女仔大嗌，當時緊張，自己唱歌又唔係特別好聽，周杰倫多情歌，無咩特別意思。」