5年情斷 林峯親認與吳千語分手：以後感情事唔多講

林峯今日出席《英皇電影2018巡禮》，他將與劉青雲和蔡卓妍合作新戲《神探大戰》，見他瘦了很多，問是否為情消瘦？他笑指無咁脆弱。近日盛傳他與拍拖5年的吳千語分手，已撻著索爆新女張馨月，林峯即場承認已和千語甩拖一段時間：「簡短講，以後唔好再問我，同千語分開一段時間，希望大家畀啲空間，以後感情事唔多講。」問張馨月是否新女友？他回應：「總之感情事唔再講，專注工作。（再見亦是朋友？）我哋係和平分手，咩原因就唔講。（共識之下由你交代分手？）講完，唔回應，希望大家放過我。」

問他是否想保護吳千語？林峯轉話題講工作，謂工作行程排到出年，開心又充實，望工作上有突破。再追問分手原因及何時分手？是否單身、父母安排他與新歡張馨月相睇？林峯再表明不講感情事，問有否覺張馨月被起底不太好？他說：「唔講喇，講多錯多。」

另外，吳千語亦夾好時間在面書發文，親認已分手，她上載望海露背照，留言：「感謝各界朋友短訊關心和支持，請原諒我選擇以社交平台作一次性的回應。五年間全心全意投入的感情，要完全放下實在不容易，大家請給我空間適應，未來我會勇敢面對。希望今後大家會繼續給我支持，並多留意我的工作。」

更新時間：1740