同林峯分手？吳千語冷淡認少見面：工作為主，冇乜時間做其他嘢

吳千語與林峯近日盛傳分手，久未在港露面的千語昨晚出席屯門V City舉行的除夕倒數派對。她身穿閃銀斜膊裙亮相，並表示剛從內地返港，首次出席香港倒數活動，今天便返回橫店繼續拍攝。談到男友時，她與林峯早前態度一樣，冷淡回應感情事，至於是否很久沒見男友？她說：「相當忙，已兩個月沒返香港。（兩個月沒見？）唔止兩個月，有一段時間，連家人都冇乜見，太忙。拍劇時都只係見到助手同工作人員，橫店話近唔近，少少假期都唔會專登返嚟，寧願休息下。」男友有否探班？她說沒有，各有各忙，拍攝該劇前又拍網劇，全年四分一時間在橫店。
問到感情是否出現問題？千語說：「好似佢（林峯）咁講，間唔中有聯絡，各有各忙，知道大家好關注我啲新聞，唔係話結婚就話生B。（最近話你分手。）大家唔好太多揣測，工作對我好重要，冇乜時間做其他嘢，工作為主。」 追問林峯是否仍是男友？她冷淡說：「少見，畀啲空間我哋。好似佢咁講各有各忙，希望2018年再放多啲時間在工作上。（大家會否努力挽回感情？）順其自然。」對於傳她有富商追求，她說不知，身邊沒出現過任何富商。問今次返港有否致電告知林峯？她表示有說自己出席這個活動，他不在港，有傳短訊。但當問到林峯在哪？她卻說不知道。