蕭正楠生日被好友整蠱 翠如親製禮物遭嫌棄

黃翠如、黃浩然出席「One Piece索柏大冒險」揭幕禮，翠如大爆男友蕭正楠喜歡海賊王One Piece，更集齊漫畫系列，獲大會所送的公仔會賣給男友。談到她為男友慶祝41歲生日，翠如笑指初時男友以為得1個朋友為他慶生，更被安排坐4人房，男友還檢討自己為何無朋友，但其實一大堆朋友坐在大房等蕭正楠，今次慶生飯局是她和黃長興安排。

問到送甚麼生日禮物給男友？翠如笑謂送實際物品，記者笑問是否送個BB？她謂趕不及買禮物，所以在暖包畫了電視機給男友，因為對方想要電視機，但男友睇完即擺埋一邊。對於蕭正楠為新一輯《美女廚房》擔任主持，問到可會上節目做嘉賓？翠如說：「唔制！成日俾佢踩，等佢讚到我心花怒放先，其實正常嘢食我都識煮。」黃浩然搭嘴笑謂：「你唔去都好，等佢搵多啲美女上去。」

有份出席蕭正楠生日飯局的黃浩然，笑指對方曾講過昨日23號吃飯，當時自己還扮忘記對方生日兼反問何事？他說：「佢窒一窒話係生日，我同袁偉豪之前講過話嚟唔到，最後我哋出現，佢好開心。曹永廉身在橫店視像通話，話自己除緊頭套嚟緊。」