蕭正楠申美國簽證遇阻 奇招KO網友激讚

喺面相嚟講，耳仔貼後腦係一件好事，因為雙耳在生長時貼近耳後的皮肉，從正面看上去只能看到一小部分耳朵，代表呢個人經營和理財的能力很強！而且擅於投資理財，能夠豐衣足食，可說是大富之人的格局，蕭正楠的更係表表者之一，所以面相學不時會用佢嚟做例子。
不過蕭正楠似乎就因為呢件事引起問題，皆因佢申請美國簽證，條件之一係要佢見到兩隻耳仔，但佢就見唔到，結果佢就十分之醒目仔，用咗個神奇方法解決。
蕭正楠係社交媒體上面話：「原來影美國簽證的證件相有兩大條件，第一要見哂兩條眉第二要見晒兩隻耳仔，但係我隻耳仔天生貼面，我只可以諗到呢個方法去解決問題👂🏻」原來佢係耳仔後貼上膠紙「撐」起隻耳仔！
好多朋友都留言「怪唔得你叫奇怪先生😂」、「咁都被你諗到! 」、「我每次過海關佢都要立起d頭髮…但係我隻耳仔仲貼過你…😓」。