【導演會頒獎禮】毛舜筠鄧麗欣封雙影后古天樂再稱帝

2018-03-18 21:34

出爐亞洲電影大獎影帝古天樂、吳君如與陳可辛、趙薇、任賢齊、等出席「香港電影導演會周年晚宴暨年度頒獎典禮」，現場星光熠熠。頒獎典禮上，古天樂獲頒發「最佳男主角」，毛舜筠和鄧麗欣（Stephy）因票數相同，兩人齊封「最佳女主角」，「最佳導演」則由張艾嘉奪得。

毛舜筠表示老公區丁平不在港，所以沒有投票，點知差一票。問到可有後悔少一票才贏Stephy？她說：「好神奇，得獎唔係多一票或少一票就贏，點知原來真係咁。老公唔喺香港，所以無代佢投票。但同鄧麗欣一齊贏好開心。老公話金像獎一定會投我。」對於先後獲提名金像獎7次，她坦言也想贏，疑惑自己贏一次是否好難，輪到她得獎也好，能夠遇好劇本亦好難得。

Stephy稱未想過跟毛舜筠一起得獎，有得提名已好開心同幸運，得獎後覺得有責任要好好睇角色同劇本，只要劇本好都會接搞笑片。談到可有信心奪金像獎影后？她謂會以平常心面對。

古天樂再度封帝，問他可會再次公開唱《今期流行》？他說：「做咩講啲咁掃興說話。（劉偉強叫？）唔好啦！無謂搞到個場咁冷清，大家食到飽飽地想嘔就唔好。（你唱歌大家覺得集體回憶。）多謝、多謝晒！」