慨嘆無女仔敢埋身 唐文龍:我都要過日子

唐文龍為無綫節目《流行經典50年》錄影，唐文龍表示於節目上獻唱當年在台灣推出首張唱片的歌曲《我要怎麼知道你愛我如果我們永遠不說》，但相隔20年後才首次在電視城錄影廠唱歌，不過經已26年多未唱過這首歌，所以事前也加緊練習，又指未試過唱情歌氹女生。現時單身的他，更認為難得無綫給予機會演出《溏心風暴3》，因回流香港發展已有三年，希望能夠在電影及電視劇畀觀眾深刻印象，現時亦有洽談電影工作。
談到被爆出48歲年齡，令他「嬲嬲豬」，問到可有跟緋聞女友黃文意聯絡？他說：「我哋有聯絡，但媒體咁樣講佢，我都好尷尬又唔好意思。身為男人覺得對這件事應該作出回應去支持佢。佢思想好成熟好叻女，叻女意思係正面，唔係負面。依家好多女性朋友唔敢同我出街，驚會傳緋聞，但我都要做人過日子。」