【Shine紅館騷】半裸騷肌嗨爆 天佑窒又南跳鋼管舞：男人條腰好緊要

Shine昨晚的首場演唱會請來許志安和楊千嬅擔任表演嘉賓，而兩位主角天佑和又南就以多個不同環節中大玩性感和感性，當然少不得晒肌展現苦練成果！天佑和又南落力健身，曾多次透露為了一身健硬肌肉練到周身傷，而當晚又南的右手踭還要戴上護踭。
Battle部份，天佑扮李小龍、脫去上衣半裸的大耍雙截棍；又南亦赤裸上身大玩雙槓及鋼管舞！盡晒苦練成果後，二人就以有味笑話玩互窒，又南笑稱：「唔通老左先跳舞！」天佑即取笑對方說：「所以你跳鋼管舞，驚老左跳唔到？咁男人條腰真係好緊要！」又南還擊道：「你揀fing（雙節棍）就係怕將來fing唔起？」逗得全場大笑。