密實遊倫敦 袁嘉敏零下8度玩自拍

轉走性感路綫的藝人袁嘉敏，間中都會在社交網甫性感相派福利冧網民。原來她最近去了英國旅行，亦有將自拍照甫上網，不過今次就因為天氣關係，穿得非常密實！

袁嘉敏在社交網表示自己身在倫敦，而當地氣溫只有負8度，天寒地凍，真係無必要的話都不會走出街。不過一場來到倫敦，無理由屈在酒店睇雪景，所以就算天氣再凍，嘉敏都出去逛逛街。相中見到嘉敏著到成隻糉咁，又大褸又頸巾又冷帽咁，不過都沒有阻礙她旅遊的興致，她更大玩Selfie放上網，更影了很多倫敦街頭的靚相，看來非常享受這次旅程咁喎！