本港外傭疑遭老僱主掐頸「我要謀殺你」 片段瘋傳到外國

不少外傭僱主或許會外傭表現而間中「勞氣」，但昨晚一段疑在本港工作的外僱，被僱主虐打的片段在社交網站瘋傳，遠至英國等新聞媒體亦有轉載。據外傭在facebook直播的片段，從中可見一名白髮的婆婆疑不滿其工作表現起口角，包括指罵她「你咁衰」，然後不斷掌摑其臉，更揚言「我要謀殺你」 並掐着她的頸部。不少網民看片後紛紛擔心女傭的安危，建議她盡快報警。警方回應查詢，網絡安全及科技罪案調查科正了解事件。

一名在本港工作的印僱，昨晚在其facebook直播與老僱主吵架的情況，為時約12分鐘。最開始滿頭白髮的女僱主詢問女傭「我係咪對你好差？」女傭回答「永遠都係婆婆啱」，「唔知婆婆想做乜」，坦言少少事件便會被罵。
婆婆隨即反駁「你令到我好火滾，我未試過用工人用到你咁」，並用手指指着女傭的頭部，要求她自行辭職，惟女傭不同意「唔係我唔啱，唔會辭職。」其後兩人的爭吵越見激烈，女傭批評婆婆善忘「搵唔到覆診卡又鬧我」，婆婆憤怒反擊「我鬧你啲咩」，又解釋「唔係鬧你，係勞氣」，然後推了女傭的身體數下。
當婆婆離開房間後，女傭對着鏡頭以印尼語說話。婆婆聞聲緊張再次走入房間問道「你鬧我乜嘢」，然後指罵「你對老人家咁不得好死」，將女傭推倒在床上並多次掌摑其手及臉部，「你講中文唔好講𠵱啲話！」
婆婆的情緒越來越激動，一邊罵着「你咁衰嘅你，講我」，並用力掐着女傭的頸部「我要謀殺你」，「我要同你一齊死！」片段最後可見女傭的臉部紅腫，並對着鏡頭哭泣。
一眾網民看完片段後直斥行為過分，「前因唔知，但呢一刻見到的，阿婆打人就係唔啱」，「呢個阿婆，真係惡難相處」，「無論有冇前傳或後傳總之打工人就係事實！報警拉佢」。但亦有人認為不少外傭工作態度散慢，隨即被反駁「其實樓上啲人對外傭不滿你可以唔請佢!但係打人就一定唔啱！」

建立時間：1230
更新時間：2205