孖吳雨爆電視台秘聞 陳志雲：叫佢爆埋英皇

陳志雲及一眾顧問團人員宣傳亞視節目《百萬富翁》，主持人陳志雲即場跟觀眾挑戰「百萬問題」。席間，陳志雲大派貼士，提醒參賽者要正確地選擇朋友幫手，他笑說：「15集嘉賓版已經錄好，佢哋打電話畀佢哋啲朋友都係幫唔到手，一係唔聽電話，一係聽個問題要聽兩次。」他大爆王喜邀請兩位朋友幫手，但玩得大投入而忘記用錦囊，令到兩位智囊朋友苦等半日。

此外，陳志雲後日會現身亞視開台派對，更會跟亞視行政總裁吳雨及陶傑於台上大談電視風雲，皆因吳雨曾任職英皇前行政總裁，故陳志雲笑說：「大爆電視台秘聞，吳雨知好多秘聞，佢好八卦，叫佢爆埋英皇。」