陳志雲唔認有高層鬥爭：但一定有山頭

陳志雲出席OpenSky.tv（天開電視）發佈會，鄧梓峰擔任活動司儀。陳志雲在台上笑言要解構TVB為何讓鄧梓峰前來，笑說：「唔好睇得TVB咁小器，大台係好包容！」陳志雲與甄詠蓓及林家謙在該平台主持節目《大開眼界》，他指節目是為觀眾搵節目，為節目搵觀眾，若是好節目也會推介TVB節目，亦會講及香港電視業發展。除此，他會帶團去芬蘭睇北極光，拍攝紀錄片及生態節目，每集10分鐘，網路平台時間不會太長，方便觀眾睇手機。
笑問會否為觀眾解構「山頭文化」？陳志雲笑說：「好主意！下集拍呢個主題。（是否有高層鬥爭？）唔好咁講，但一定有山頭，係好自然嘅。製作團隊共事有默契會用返，唔會因為咁唔同其他人合作。（唔同其他人合作係唔健康？）會㗎，去第二度合作有新衝擊，吸收新嘢。」談到汪明荃（阿姐）在無線頒獎禮直播節目講這番話非常敢言，陳志雲說：「阿姐一向敢言，有咩好怕。（佢講出很多人心聲？）都係。」陳志雲笑言要請阿姐上其節目傾談。
陳法蓉、王喜、林德信、蘇麗珊、胡琳等亦有出席活動，陳法蓉最近忙打理護膚品生意，與好友朱茵及經理人合作在內地開了兩間店舖，希望能在香港開店。她坦言生意去年10月剛開始，尚未有錢分，早前與朱茵為品牌拍攝靚相及廣告。怕不怕與好姊妹因財失義？她坦言最初合作有傾這問題，因她眼見身邊朋友因生意反目，當時朱茵搭着她膊頭表示以友情行先，不會不開心。（攝影：譚志光）