136歲HeHe情 劉江冧爆李國麟拖手拍籮柚

無線不止喜愛灑鹽花引起劇集的話題，近來亦鍾意加插「HeHe」情節，繼《愛．回家》的Terry與KC、《誇世代》的笨蕉和大頭B，意想不到新劇《平安谷之詭谷傳說》都玩「HeHe」，主角更是74歲的「谷爺」劉江與62歲「烏公公」李國麟，玩摸下巴、拖手仔及拍籮柚，睇到觀眾O晒嘴。



劇情講到威嚴的谷爺見到烏公公都「少女心爆發」，任拖手仔兼摸下巴，更開心得笑晒口。烏公公更出手掃谷爺背脊，再打一打谷爺Pat Pat，搞到生痔瘡的谷爺嗌痛。網民睇到呢幕都覺得驚喜到爆，留言「一秒變喜劇」、「兩個加埋成百歲，臨老先hehe」、「好gay又好好笑」。