邵佩詩淚別《愛．回家》 網民：早走啦

14年港姐冠軍邵佩詩在處境劇《愛．回家之開心速遞》，扮演傻大姐侯蔡欣，不過昨晚播出的第232集是她的「告別作」，她要離開「開心速遞」大家庭，另有其他工作。

TVB的面書專頁上載邵佩詩眼濕濕講離別感受的片段，希望網民留言祝福她，邵佩詩則感言：「有好多人批評我喺度扮可愛，到依家真係接受咗侯蔡欣，我唔知你喺邊度鍾意我或者唔鍾意我，我都係用個心去做。拍最後兩集我真係去感受欣欣嘅心聲、喜怒哀樂，對佢嚟講好重要嘅嘢。做出呢個決定係冇遺憾，完結晒佢所有意願。」

有網民祝福邵佩詩「希望她一樣有好的發展機會，前途無限量，繼續加油」、「盡力去演就ok」。不過亦有網民認為邵佩詩演傻大姐的表現麻麻，主持明珠台節目《港生活．港享受》更為適合，有不少留言負評邵佩詩「做戲唔得把聲難聽」、「對白一句都聽唔清，得個姣」、「阻住哂劇情」。