70歲姜大衛寶刀未老 堅持親身上陣「翻馬背」

麥明詩（Louisa）在面書分享了一段《誇世代》的幕後片段，片中的姜大衛（John哥）親身上陣拍動作場面，就算跌倒都堅持繼續拍攝，非常敬業！

Louisa在影片留言：「《誇世代》話咁快就黎（嚟）到大結局喇，感謝監製陳維冠俾（畀）我機會參與呢部劇；除咗可以演繹宋佳佳呢個傻更更嘅角色之外，仲可以向好多資深演員偷師。鏡頭前見到嘅一個shot，鏡頭後都花唔少工夫，就好似劇中我爺爺John哥要拍攝打擂台嘅戲份，預備咗替身，但係大部分都係佢親身上陣。雖然John哥fit到漏油，但係見到一位七十歲嘅演員做stunt，我地（哋）做觀眾都替佢捏一把汗。John哥咁專業嘅精神，我問心自愧不如。」

片中的John哥當時正為一個「翻馬背」的動作試位，動作雖然不是非常高難度，但一不小心失重心就會跌倒，對已年屆70的John哥來說也是頗為危險。不過John哥年輕時亦曾是邵氏的武打明星，就算年紀大了身手依舊敏捷，每一個鏡頭都盡力去做。

John哥拍攝第一take時失手跌倒，令其他工作人員都大為緊張，馬上去扶起他。不過，John哥毫不錫身，做完一take又一take，最後成功翻馬背再企穩，寶刀未老！