兩公婆尷尬咀嘴 王祖藍38歲生日獲李亞男送驚喜

王祖藍昨日38歲生日，老婆李亞男為了炮製生日驚喜，一早構思好與專誠由外國回來的李媽媽及好友煮溫馨住家飯，祖藍媽咪亦有到現場探班，祖藍公司的同事亦夾計送禮。在祖藍錄影內地綜藝節目期間，李亞男出奇不意送上生日蛋糕及生日卡，在徇眾要求下她即場與老公咀嘴晒愛。雖然二人結婚已有兩年多，但當眾咀嘴時，還是有些尷尷尬尬，場面搞笑。同場的杜麗莎及大女T.V. Carpio（梅天悅）亦被二人的開心氣氛感染，全程笑到合不攏嘴。

問到祖藍的生日願望？他搞笑謂希望旗下藝人都與他一樣，每一年都keep住生日有工開，並說：「幾辛苦都冇所謂，最緊要有時間陪老婆。」他又直指同事們送上的生日卡真的很「驚」喜：「呢張生日卡就好似叮噹嘅百寶袋咁，咩都有。除咗有同事充滿誠意嘅服務換領券之外，竟然仲有同事封利是畀我，真係好受寵若驚。能夠同同事相處到好似朋友咁，係我一直最大嘅心願，希望嚟緊大家都繼續開開心心，一團和氣。」