好冧呀！江若琳搞神秘生日趴 37歲Oscar甜笑示愛：I love you

靚仔又識整嘢食，經已殺死人！仲要係白手興家，又肯對女朋友公開示愛，難怪蕭潤邦（Oscar）被喻為「生煎包王子」，仲令江若琳好似小鳥依人咁攬住啦！

江若琳（Elanne）男友蕭潤邦（Oscar），認識多年之後拍拖，兩個人不知幾咁幸福，話說今日係Oscar37歲生日，2人在晒恩愛，Elanne偷偷地幫男友搞生日趴，搵晒成班朋友之外，仲做咗個「超大生煎包」生日蛋糕。Oscar留言話：「Yeah37，多謝蘋果（Elanne）安排一個驚喜生日P給我！I love you 見到好多老友！」
Elanne又隔空留言話：「生日快樂呀！蕭生，你睇下你人緣幾好！兄弟真多！祝你快快樂樂，願望成真，多謝大家！」