鍾意唱情歌 16歲黃淑蔓自爆失戀狂食療傷

16歲的黃淑蔓（Feanna）憑電影《哪一天我們會飛》主題曲賺人氣，近日她推出新歌《那一年零一個月》，其唱片公司出面邀請到她的「男神」周柏豪作曲，令她非常驚喜，開心到傻。日前Feanna拍新歌MV，提到男神替她寫歌，她說：「公司知道我好鍾意周柏豪，當為我籌備第二首歌嘅時候，就邀請咗周柏豪幫我寫咗呢首歌，好驚喜，好開心呀！係我今年第一份聖誕禮物，公司係我嘅聖誕老人啊！」她又說：「好多謝公司畀我唱我鍾意嘅愛情歌，好似今次呢首講失戀點樣振作，我覺得好多同齡嘅人都試過失戀。」 Feanna自言失戀就會化悲憤為食量，「食好多好多嘢，總之不停搵嘢畀自己做，又會搵朋友出嚟飲嘢食嘢傾偈、不停唱歌，去自修室讀書同不停做功課。」在MV中，扮失戀的她躺在梳化流眼淚，又抱著公仔跳舞，鏡頭前有點傷感，但鏡頭後她常常忍不住爆笑，令導演要不斷喝止她。此外，踏入年底多個樂壇頒獎禮舉行在即，作為過來人的Feanna為今年的新人打氣：「希望你哋繼續加油，堅持唱自己鍾意嘅音樂。」