【前世情人】張繼聰享受父女樂忘晒形： 玩到成個昏君咁

張繼聰與謝安琪育有一對仔女，兩公婆都愛在社交平台分享家庭樂，昨晚張繼聰Po完囝囝張瞻打機輸咗罰跳舞的短片後，今日輪到晒囡囡張靖（Karina），連續Po出6張玩樂照。張繼聰同寶貝女在床上玩得開心，兩父女相視而笑，Karina更可愛地伸出手仔摸爸爸的面及起飛腳，引得張繼聰肉緊地錫錫囡囡肚仔，Karina望鏡頭的照片更是喜感十足。 張繼聰亦為6張溫馨相寫下了搞笑caption：「圖1至圖3中該名男仕（士）玩到成個昏君咁。圖4至圖6中該名少女以瘋狂式嘅眼神向該名男仕（士）嘅老婆示威，最後一張嘅眼神可以話係可圈可點.....」唔知謝安琪對囡囡的示威有咩感覺呢？另外，謝安琪亦上載囡囡的得意食嘢片段，被餵食的Karina突然叫了一聲「姨～」，身為媽媽的謝安琪都話老公的搞笑基因太強大，並Hashtag「#搞笑家庭 #搞笑老豆（竇）搞笑仔女 #我獨自一人優雅」。