苦盡甘來！家燕姐細女戴四方帽畢業

薛家燕一向以開心形象示人，不過要獨力養大仔女，一啲都唔容易。除咗囝囝將於明年結婚，最近佢屋企又有好事啦！今次係家燕姐細女石耀珠畢業，仲要係香港大學碩士，據說係社會工作碩士添呀！ 大女石祐珊於社交媒體放上一家人的合照，寫上「Proud of this little one today ❤️🤗 #masterofsocialwork #smartestinthefamily #hku #classof2017」。全家十分開心，家燕姐穿上紅黃雙色嘅靚衫好搶鏡，睇得出佢由心到笑出嚟！ 其實家燕姐要帶着三子女並不容易，仲曾經打算了結生命，全因三名子女，才讓她回頭。她曾經訴說自己的經歷，她當年經歷婚姻失敗，老公突然離開，自己帶着三子女，曾做過保險，想入地產又被拒，一度「檻咗半隻腳出去」打算跳樓輕生，但結果看着子女的樣貌，想着「我跳咗落去佢哋點算......？」就重新做人。 家燕姐1983年嫁給先生，逐漸退出演藝事業，可惜到90年代先生卻無聲無色的離開，她說自己學識不高，只有中學未到大學的學歷，曾經做保險，但朋友總是在推銷後沒有簽單，每次吃完飯飲完茶也沒下文，曾經想做地產，以往也有幫先生買樓賺錢。她回去找以往熟悉的地產經紀問「有咩可以幫手」，他們反問「石太，你講笑咩，你有咩好介紹」，令她不好意思。 人生兩徬徨，丈夫不在身邊，事業不濟，卻帶着三個小朋友。家燕姐訴說，當初喜歡對方才會下嫁，但怎想到對方將間房屋也轉給其奶奶，要她離開，「你唔愛我，你都會愛三個小朋友，我等你返嚟......」當時有一次吃飯途中，天花燈更突然跌下來，「有一個衝動的想法想輕生」，她說自己由小到大，都算在溫馨的家庭中成長，那刻想着「一跳落去咩就都見唔到」打算一了百了，吃飯後一直在哭，但子女救回她一命，大女珊珊走出來叫着家燕姐，而兒子也買了薯條回來吃，她指當時自己住在25樓，已「檻咗半隻腳出去」，「看着他們的樣，我跳咗落去佢哋點算......？」結果救回一命。