【外遊滑浪跌斷腳】返港後做手術 欣宜落淚擔心影響靈活性

鄭欣宜早前自組工作室，努力發展歌影視的事業，不過上周她不慎跌斷腳，今日上載短片交代傷勢，期間哽咽落淚，擔心影響原定於明年4月22日舉行的第一場紅館騷。其經理人回應，指欣宜在外地休假時受傷，已出院返家休養，至於休息多久要視乎接受物理治後的康復情況，未知會否影響工作計劃。睇返欣宜的社交平台，上月底她到外地旅行並不時上載沙灘、學滑浪照，其中更有以冰袋敷腳踝相，當時她更問「你是甚麼時候開始骨折？」 在短片中，欣宜提及在上月31日拍下，憔悴的她當時已入院並透露跌斷腳，因斷骨及腳骨移位，其主診骨科醫生認為她必須做手術。不過她最擔心是做手術後影響了靈活性，並眼泛淚光道：「大家都知我喺台上面好紥紥跳，我好鍾意跳舞，我好驚做完手術之後隻腳會唔似以前咁靈活，長遠嚟計係要做手術嘅。」 感到時間緊迫的欣宜，擔心腳傷影響明年的紅館騷，「我當然希望可以係最佳狀態，可以忘我、好放、好投入去表演畀大家睇，所以我決定一定要做手術，唯有之後落力啲辛苦少少去做物理治療。大家放心，我唔會因為呢隻腳阻止到我嘅紅館夢，你哋可唔可以鼓勵吓我，因為我都好驚。」不少網民留言為欣宜打氣，希望她早日康復，期待她的紅館騷。