欣宜自爆曾鬧乳癌疑雲 周汶錡當媽緊張健康

鄭欣宜、彭秀慧、周汶錡（Kathy）出席《癌症基金會粉紅革命啟動禮》，欣宜自爆曾鬧「乳癌疑雲」！她稱有日自我檢查時發現乳房有硬塊，礙於有工作在身未能睇醫生，驚了一個星期才能求診，經診斷後證實不過是生理期影響，虛驚一場，呼籲大家要定期檢查。欣宜謂：「雖然係自己蝦碌，但當時真係好驚，日日提心吊膽。（有否向父親鄭少秋提及？）當然無，嚇死佢咩，我自己都咁驚。」 Kathy表示每半年會做一次身體檢查，不諱言當上母親後，對自己和家人的健康都會變得緊張，笑言可能是荷爾蒙影響，但的確以前就算去街去得夜、不夠瞓或不舒服都不大理會，但現在有了小朋友就完全不同，更覺以前的母親真的很偉大，工作家庭兩兼顧，還要湊足幾個小孩。她笑指：「現今的小朋友很醒目，所以我們做父母的要更醒目，好似我個大仔咁，有時罵他頑皮，他會扮無嘢望來望去，隔1分鐘就見我面色緩和了，又會自己走來講『媽咪I am Sorry』，唔知邊度學呢啲古靈精怪嘢，現在教小朋友真係要鬥智鬥力。」（攝影：朱偉彥）