【公公出埠】蕭正楠歎日光浴 翠如罕有晒水著照

劇集《公公出宮》的好拍檔黎耀祥、蕭正楠、黃浩然及曹永廉日前出發去泰國布吉拍節目《公公出埠》，今日4位大男人赤裸上身歎日光浴，仲開Live同網民傾偈，玩得好開心。祥仔指黃浩然操得最大隻，為免被比下去，他們只有潛落水。咁啱阿蕭女友黃翠如亦孖埋女友人遊埠，享受陽光與海灘，今日她罕有分享水著照與男友隔空交流，並留言：「大自然的治療，還是，先靜，而後安。 ​​​​」咦，唔通翠如去咗布吉探班？ 另外，今次節目以歎世界為主題，祥仔邊按摩邊嘆白酒，他說拍完劇集《大太監》後好想一齊去旅行，可惜各有各忙夾不到時間，難得公司出錢出力安排，有阿廉及阿蕭在場，令節目充滿笑聲。