從影32年首開齋喜極而泣 姜皓文大馬攞最佳男配角

姜皓文（黑仔）憑《拆彈專家》獲第一屆馬來西亞國際電影人年展頒發最佳男配角奬項，剛在大馬慶祝完生日及結婚18周年，並在當地置業的黑仔，難掩興奮，喜極而泣說：「今次攞奬真係同大馬好有緣份，我外公係馬來西亞人，外婆係馬來西亞華僑，真係光宗耀祖。呢個都係我從影32年第一個電影獎項，好感恩。希望有一個好開始。亦感謝太太陪在我身邊一齊分享這份喜悅。」除了最佳男配角獎項外，《拆彈專家》亦獲頒最佳剪接奬。