林憶蓮公開多謝背後男人 讚恭碩良充滿才華

林憶蓮紅館騷昨晚頭場，講到早前參加內地歌唱節目《歌手》，被網民批評天后自貶身價，憶蓮於台上謂過去一年在工作上有不同新挑戰，得到寶貴經驗。她說：「最初接呢個節目，好多朋友有不同聲音同意見，有朋友覺得唔應該做…我唔需要解釋咁多，呢個節目令我得益好多，大家畀我嘅厚愛，得到天后稱號，但其實我只係好鍾意音樂，一路成長，呢個過程學到好多，識好多新朋友，自己進步咗。我哋會容易企咗喺舒服環境同圈子，唔願意挑戰自己或踏前一步；人要不斷成長，多謝身邊支持我決定嘅人，多謝背後兩個好重要嘅男人。」 憶蓮首先多謝音樂總監倫永亮（Anthony），「每首新歌都是挑戰，每日通宵不眠編曲，沒怨言一直帶微笑，我好幸福，有Anthony這個音樂伙伴。」說到此感憶蓮觸落淚，之後續說：「另一位好重要男人－恭碩良（Jun），每次接到編曲時，只得一晚半晚喺錄音室即刻唱出嚟，啲人以為我唱咗咁多年好輕鬆，但唔係，需要諗點去唱。Jun每晚陪我喺錄音室教我唱同度音adlip，令好歌呈現，再一次多謝呢個人。」憶蓮表示每次歌手站在台上看似很風光，其實背後得到幕後好多朋友音樂支持和付出，所以今晚借機會多謝兩個好重要的男人。其後，介紹樂隊成員，她說：「大家非常熟識，非常充滿才華嘅Jun Kung！」（攝影：羅安強）