周慧敏紅館演唱會加場 宣傳片搵KB齊齊整蠱茶客

周慧敏（Vivian）於臉書宣佈明年1月在紅館舉行的30周年演唱會，加開1月29日最後一場，合共演出4場。作為女神，Vivian竟然找來KB（李健宏）拍片宣傳今次加場，二人到茶餐廳整蠱茶客，名為《玩爆你個腎x周慧敏》，Vivian坦言好期待，未試過，鍾意即興。 片中Vivian在茶餐廳獨自食麵，KB扮搭枱發現周慧敏，就同身邊的茶客講，然後不斷騷擾Vivian，要求合照用手攞Vivian的麵食及飲她的飲品，原本單獨的女茶客在男友到來時即離座；有男茶客就跟Vivian調位坐，然後KB要搶Vivian手袋裏的東西，Vivian就遞上印有加場的宣傳單張，並揭曉純粹為宣傳的整蠱節目，大家隨即開心大笑。Vivian還留言：「吾（唔）排戲，即興先好玩。無諗到KB咁樣來賀我演唱會加場。*1996年去澳洲表演就認識當時仲係學生幫我打鼓嘅KB，真係大家睇住大家成長啦」！