袁偉豪「愛的宣言」冧張寶兒：好想照顧身邊嘅人

《使徒行者2》袁偉豪（Benjamin）演天堂哥讓觀眾如癡如醉，在內，深情地保護身邊人，在外，靚仔高大配送陽光笑容。現實中的袁偉豪與張寶兒蜜運當中的袁偉豪，甜笑指現時自己父愛犯濫，很想照顧好身邊的人。 Benjamin接受《巴士的報》訪時，一提到女友隨即甜笑並形容：「樂在其中，好珍惜現在有嘅嘢。」他表示：「其實我覺得鍾意一個人，係要鍾意佢嘅內心，無論係邊個都好，所以我覺得溝通係最緊要。要有耐性、包容，同埋要將心比己。」現年36歲的Benjamin又指：「因為我漸漸開始覺得自己好鍾意照顧人嘅感覺，會好似有種覺得自己係爸爸，好想照顧身邊嘅人、好想照顧周到、安排好畀身邊嘅家人、伴侶、朋友。可能係本身男仕自己嘅生理轉變，而令自己有一啲變化，所以就係咁得意。男人去到某個年紀自己就會組織家庭或者父愛犯濫，並唔係話我同我另一半嘅關係好似父女咁，只係我想照顧身邊嘅人多啲。」 熱愛演藝事業的Benjamin希望可做到最後一刻，目標是將來能運用自己的知名度去幫助更多有需要人士，同時繼續為觀眾帶來歡樂。