初入影圈全靠陳自強照顧 鄭裕玲感激前經理人教導

鄭裕玲（嘟姐）在商台節目上，主動談及前經理人陳自強（Willie），她說：「今日收到消息我以前經理人陳自強過身，好多記者朋友同埋電視台都搵我，我想喺呢度一次過講。當初由TVB轉去影圈，唔知會點，好多人話電影圈好黑暗，所以我搵陳自強，佢好幫手簽我，當時佢已經有好多仔仔女女，有張曼玉、鍾楚紅、成龍，有佢幫我輕鬆好多，合作咗一輪，覺得自己都掂，所以脫離咗佢。」 嘟姐大讚陳自強非常照顧別人：「冇乜要求，如拍戲要有8個鐘休息，都會盡量安排。喺佢旗下嗰幾年我學到好多，包括待人處世、傾條件，但係我性格鍾意自把自為，所以最後我脫離咗。好感激佢嗰幾年協助，今日聽到呢個消息，希望佢rest in peace，永遠懷念佢，多謝你Willie。」