拍拖睇騷 溫碧霞笑指老公比太陽靚仔

溫碧霞（Irene）和老公何祖光自婚變復合後、恩愛有加，繼密密拍拖外遊，昨晚更首度公開露面拍拖睇show，還帶同囝囝何國倫(Xavier)與笑言是Xavier的「女朋友仔」一行4人到澳門欣賞BIGBANG成員太陽的演唱會。 雖然老公怕羞不肯合照，但Irene的笑容甜到漏，而Xavier更是興奮無比跳跳紥，母子二人還數度吻臉；問到Xavier有父母相伴是否特別開心？Xavier即大呼：「梗係係喇！」聽到Irene表示BIGBANG的每位成員都喜歡、大讚個個都唱得、跳得、表演得，亦很喜歡K-Pop，Xavier不斷附和。 有指老公很大方，肯陪太太看靚仔，Irene稱她們不單止看靚仔，靚女也愛看。笑問心目中老公和太陽誰更靚仔？Irene甜笑道：「老公！（與老公感情更勝從前？）對呀，但過去了的不想多提。」