溫碧霞孖老公北海道過中秋 住溫泉酒店瞓醒就浸

溫碧霞（Irene）同老公何祖光（Kenneth）早前鬧出小風波，雨過天晴後，兩人感情變得更加恩愛，Irene與老公趁中秋節假期，兩人飛到日本北海道享受二人世界，人月兩團圓睇紅葉觀賞雪山慶祝中秋節，浪漫到極！ 兩人於迎月日（3日）就出發飛到日本北海道，抵達札幌後逗留了一天，馬上飛到二世古，觀賞雪山及浸溫泉，還四圍享受日本美食，目前仍身在二世古的Irene心情靚爆，說：「玩得好開心呀，北海道秋天天氣好舒服，滿山紅葉好靚呀，我地仲去咗睇雪山，靚到不得了。（有冇浸溫泉？）梗係有啦，日日都浸呀，一路欣賞著紅葉美麗風景一路浸，我們特登全程都租住溫泉度假酒店，瞓醒就浸，日日都好似歎世界咁，完全放鬆晒。」 Irene表示再玩多幾日才返港，笑言：「有可能唔捨得返港㗎，呢度實在太舒服，天氣涼爽，風景又靚，因為呢度空氣好，又空曠，中秋節嗰晚北海道月光好大好圓又特別光，仲滿天星星，但我同老公好掛住囝囝Xavier，我哋同囝囝每日都視像通話，幾唔捨得離開北海道都要返香港。」