【MK-Pop始祖】E-kids郁禮賢B女百日宴 爸爸送黃鴨蛋糕

娛圈生B潮今年似乎十分旺，就MK-Pop始祖E-kids嘅阮民安（Tommy）同埋郁禮賢（Kasa）今年都升呢做老竇。 郁禮賢2015年娶拍拖2年嘅圈外女友，今年7月仲生埋BB女添！前幾日B女100日大，Kasa搞咗個百日宴，仲放相上Facebook話要「留底先」，B女叫「子萱」，英文名叫Kara，爸爸就話由於早前流感高峰，所以決定今天只是兩家人吃飯已，好多親朋戚友都沒有邀請，希望見諒，仲留言指「爸爸媽媽祝你一世快樂，快高長大」相片仲見到有黃色小鴨蛋糕，十分趣緻。不過B女仲係有啲怕醜，未似嗲哋咁識望鏡頭喎。