阿廉爆料結咗婚 蕭正楠否認同翠如秘婚

蕭正楠同黃翠如拍拖3年多已認定對方為結婚對象，早前盛傳二人旅行結婚，不過翠如近排又自言未傾過婚事。阿蕭翠如口密，而二人的共同好友曹永廉則爆料，稱阿蕭翠如已秘密結婚，令網民起閧。 事緣前日阿廉52歲生日，仍在美國登台的他獲阿蕭隔空送祝福：「10月16日又到了！全港熱烈祝賀老廉更年期依然老當益壯、但願重振雄風！去美國登台只有精叻永冇jet lag，唱歌唔走音，唔會俾人扔爛蕃茄！#全港熱烈祝賀」。 阿廉轉發社交平台的貼文，更裝作不經意地爆料：「你隻蕉真係成熟咗，講嘢冇咁口臭，積到啲口德，結咗婚係唔同D（啲）」。網民急問阿廉真定假？亦有人話「幾時結咗婚又唔通知， 爆料了！」不過阿蕭接受傳媒訪問時回覆大家信阿廉一成，雙目失明，他與翠如結婚是阿廉的生日願望；阿廉亦自稱是開玩笑，想不到迴響如此大。