阿爸當年賣魚養家 傳黃翠如蕭正楠去魚檔影婚照

蕭正楠、黃翠如合作《師奶Madam》撻著，拍拖已有3年，愈戀愈高調，不時在社交平台放閃外，早前又齊齊飛去澳洲、英國旅行，就連翠如孖「嘟姐」鄭裕玲、農夫去日本拍節目，蕭正楠都人肉速遞過日本見女友，以解相思之情。 早前蕭正楠、黃翠如屢傳旅行結婚，女方就話過滿意男友表現，唔排除閃婚，又講求婚由女生主動也無妨。有指二人受力捧工作忙，不過已達成結婚生B的共識，更計劃下年年中拉埋天窗，會大搞婚事。另外，黃翠如爸爸黃永華現為上市土木工程公司股東及行政總裁，其實當年為養家曾在街市賣魚，據知蕭正楠、黃翠如想影輯破格婚照，有可能會去魚檔取景，向黃爸爸致敬咁話。